شد الحزام على وسطك غيره مايفيدك
لابد عن يوم برضه يعدلها سيدك
إن كان شيل الحمول على ظهرك بيكيدك
أهون عليك ياحر من مدة إيدك
ماتيالله بينا انت وياه ونستعان ع الشقا بالله
واهو اللي فيه القسمة جبناه واللي مايجيش انشا لله ما جاه
مادام بتلقى عيش وغموس يهمك ايه تفضل موحوس
ماتحط راسك بين الروس لا تقول لي لا خيار ولافقوس
***
ح اقول لك ايه واعيد لك ايه كله له آخر
دى خبطة جامدة وجت على عينك ياتاجر
ياوحستك دلوقت لاوارد ولاصادر
يحلها الفين حلال ربك قادر
قل لي في عرض النبي ياحسين رايحين نلاقيها منين ومنين
والاشّ متجوز اثنين يادنيا غوري جاتك البين
شوفوا البخيل يفضل منحوس ولو علقوا على بابه فانوس
فلوس دي ايه سكتر ياجاموس ديه السعادة في غنى النفوس
***
قرب شيلني شيل
عمر الشدة متطول
قرب سيلني سيل
بكرا نهيص زي الأول
لا تقول لي كتير وقليل
بكرا نهيص زى الأول
لا تقول لي كتير وقليل
عمر الشدة ماتطول
هيلا هيلا هيلا هيلا . .
هيلا هيلا هيلا ليصة
