بافكَّر في اللي ناسيني وبانسى اللي فاكرني
وبَهرَب م اللي شاريني وبَدوَّر ع اللي بايعني
وادوَّر لي على جرحي وصاحب الجرح مش فاكر
واقول يا عين ليه تبكي ما دام الليل ما لهش آخر
عذاب الجرح يحرمني من الدنيا ال انا فيها
وطول الليل يرجَّعني لدنيا كنتِ ناسـيها
اهجر حبايبي وخلاني وانسى قلوب عايشه عشاني
واروح أدوَّر على ماضي كان لي فيه يوم حب زمان
أشرب لوحدي كاس فاضي، دايماً اشوفه كده مليان
حبيب القلب يا ناسيني يا فاكر قلبي بعذابك
ل انساك في يوم تلاقيني نسيت الشوق على بابك
بحبَّك يا قاسي أيامي عليك ب افكَّر بأحلامك
وياما الليالي عذابها شكالي وانت اللي عندي حبيب الليالي
صعبان عليَّ اللي نسيته لما قاسيت الي مشيته ويَّا اللي هاجرني
أتاري ذنبي اللي جفيته عايش في ظلم اللي هويته
جيت خلصه مني
مظلوم لكن المقسوم مقسوم مكتوب لي أحب اللي ضناني
لا جفاه نسَّاني هواه ولا تاه حبي من فكر اللي هواني
بافكَّر في اللي ناسيني ..
