عربي   Home  Comparison  Play List  Print List   Need Lyrics  Activate  Your Letters  Subscribe   Take a Quiz  RSSNot a member or Member but not activated
Contact Us
Ah Ya Salam  
 
Birth of Nasri Shamseddine
1927-06-27


Album: Sheikh Imam
  • Songs Sheikh Imam
  • Composed by: Sheikh Imam
  • Written by: Sheikh Imam
  • Biography
  • Scores of
  • Statistics
  • ^^^^^^^^^^
    vvvvvvvvvv

    Albums
      All
     Elbetaa 
     Libya Concert 
     Lille 1984 
     Lyon 1984 
     Mosaique 1984 
     Nawader Sheikh Imam 
     Sheikh Imam 
     Sheikh Imam - Tunis 
     With Friends 

         General Statstics 

    Official PayPal Seal

    Site visitors


    Only members can listen to all the original songs. visit Subscribepage for more details
  • Next track on Album :Sheikh Imam Tasqeef Tasqeef,   Phelestine Fedahl Kefah - Solo,   Aqbeli Ya Nashwatal Mushtam,   Ya Tounsi.
  • Bookmark and Share

    Problems in listening? Music did not start ? click here for help:

    Kalb Esset

    Sheikh Imam

    Lyricist : Ahmad Fouad Najm
    Composer : Sheikh Imam
    كلب الست فى الزمالك من سنين وف حما النيل القديم قصر من عصر اليمين ملك واحدة من الحريم صيتها اكتر م الادان يسمعوه المسلمين والتتر والتركمان والهنود والمنبوذين ست فاقت ع الرجال فى المقام والاحترام صيت وشهرة وتل مال يعنى فى غاية التمام قصره يعني هي كلمة ليها كلمة فى الحكومة بس ربك لجل حكمة قام حرمها م الامومة والامومة طبع ثابت جوه حوا من الزمان تعمل ايه الست جابت فوكس رومي وله ودان فوكس دا عبقال املتك عندة دستة خدامين يعنى مش موجود فى عيلتك شخص زية يا اسماعين واسماعين دا يبقى واحد م الجماعة التعبانين اللي داخوا فى المعاهد والمدارس من سنين حب يعمل واد فكاكة يمشي حبة فى الزمالك والقيامة والفتاكة يرموا طبعا ع المهالك عم سمعة من قيامتة حب يعمل فيها فلة بعد ما الوظ بيجامتة اشترى حتة مجلة قول مشي يقرا فى حكاية من حكايات الغرام واندماجة فى القراية خلا مشيه مش تمام ع اليمين يحدف بعيد خطوتين ويروح شمال لمحه فوكس من الحديد قال دا صيد سهل وحلال هب نط فى كرشه دوغري جاب بيجامته لحد ديلها اسماعين بدال ما يجري قال يا رجلي رجلى مالها ؟ بص شاف الدم سايح من عاليها ومن واطيها وياللي جاي وياللي رايح المجلة مش لا قيها حبه واتلموا الظنايا اللى هما البوابين والحكاية والرواية قال لهم دا كلب مين ؟ كلب مين ، ما كلب مينشي سمعة لبخ حبتين قال له واحد منهم امشي اللي جابك عنده مين؟ قال دا شارع يا مواشي للجميع راكب وماشي مستحيل نستغنى عنه كلمة من دا وكلمة من دا ظاطو واترسمت فضيحه قول نهايته القصد من دا اسماعين اكل الطريحه راحو قسم الشرطه طبعا والنيابه كفيلة بيهم واترموا فى الحجز جمعاً لما ييجي الدور عليهم حبة والشاويش امين ، قال : سعيد النقشيندي قام غريم عم اسماعين قال له: محسوبك يا افندي قام سي سمعة يروح معاه الشاويش قال : غور بدمك راح تعوصني وفوق قفاه كف طرقع داهية ف امك . تفتكر يفضل سي سمعة قد ايه فى القسم نايم ؟ استضافه الحجز جمعة، يا بلاش ، ادي العزايم شاف بلاوي ما تتحكيش م الديابه المسجونين قال: يا عالم يا شاويش ، يا نيابة ، يامسئولين خلصوه بعد المناهدة جثه من جحر الديابة هى يمكن ساعة واحدة كان فى مكتب النيابة قال له مالك يااسماعين قال لة زي البمب ... مالي ؟ قال له عضك فوكس فين؟ قال له سيبنى اروح لحالي انت شوف سي فوكس يمكن خد تسمم غصب عني الوكيل قال برضة ممكن والشاويش قعد يغني: هيص ياكلب الست هيص لك مقامك في البوليس بكرا تتولف وزاره للكلاب ياخدوك رئيس (عريس) عض خلق الله وقطع لحمهم واجري وبرطع اسماعين وزفت مين ؟ انت عند ادولة أجدع . انت تسوى في النيابة نص الف من الغلابة طب يا ريت يا فوكس كنا والا تربطنا القرابة انت فين والكلب فين؟ انت قدة يا اسماعين ؟ طب دا كلب الست يا ابني وانت تطلع ابن مين ؟ بشري لصحاب الديول واللي له اربع رجول بشرى لسيادنا البهايم من جمايس او عجول اللي صاحبه يا جماعة له أغاني فى الاذاعة راح يدوس فوق الغلابة والنيابة .. بالبتاعة
    Print Add to print listCorrect data or lyricsLyrics in MS-WORDالكلمات بصيغة PDF
    
    قصة كلب المطربة أم كلثوم واسمه «فوكس» الذي قفز من فوق سور فيلتها في الزمالك وهاجم أحد الطلاب الفقراء في معهد التربية الرياضية بالهرم أثناء زيارة كلية الفنون الجميلة الواقعة خلف فيلا أم كلثوم، وقد تخير كلب الست أفقر طالب في المجموعة وعضه ومزق ملابسه.
     وسخر نجم من الصحف القومية التي نشرت خبرا يبرئ أم كلثوم وكلبها من الجريمة بحجة أنها قدمت للدولة خدمات جليلة.
     ونشرت جريدة  الجمهورية  وقتها تحقيقا نسبت فيه للطالب الفقير اسماعيل خلوصي الذي عضه كلب أم كلثوم قوله:
     « أنا سعيد لأن كلب أم كلثوم عضني»

    Contact Us
    ©2008- 2017 All Rights Reserved.
    0.20 Seconds